ყავის ლაბორატორია

Coffee LAB არ დაარსებულა იმისთვის, რომ იყოს კიდევ ერთი ვიზუალურად განსხვავებული კომპანია ყავის ინდუსტრიაში. ჩვენ შევიქმენით იმისთვის რომ ავამაღლოთ ყავის ხარისხის არსებული სტანდარტი, შევცვალოთ მისი ერთფეროვანი გემო და დავამკვიდროთ ყავის მომზადების და მოხმარების განსხვავებული კულტურა.

მსოფლიოში, რომელიც სავსეა კომერციული ყავის უზარმაზარი კომპანიებით, ჩვენ გამოვირჩევით როგორც პატარა სახალავი ფოკუსირებული Specialty ყავის მოხალვაზე, როგორც ხელოვნებაზე და მისი კომპლექსური არომატის გამოვლენაზე და სრულყოფაზე.

არ არის აუცილებელი ყველამ დააგემოვნოს და დააფასოს ნამდვილი ყავის გემო. ხშირად ყავის, როგორც კომპლექსური ხილის ნამდვილ გემოსთან შეგუება და დაფასება მოითხოვს რამოდენიმე ცდას ... თუმცა როგორც კი ამ ბარიერს წარმატებით გადალახავთ (და ეს გარდაუვალია), გარწმუნებთ, რომ თქვენც შემოუერთდებით ხარისხიანი ყავის მოყვარულების „ნაციას“ და ჩვენს მსგავსად გახდებით ამ კულტურის და რიტუალის ევანგელისტი.

სწორედ ამის მისაღწევად ჩვენ ვაკეთებთ ყველაფერს, რომ აღმოვაჩინოთ, შევიძინოთ, მოვხალოთ და მოვამზადოთ საუკეთესო ხარისხის specialty ყავა.